भारतरत्न नाही तर मी आहे जुगाररत्न; सचिन तेंडुलकरच्या घराबाहेर बच्चू कडूंचं जोरदार आंदोलन

प्रहारचे आमदार बच्चू कडू सध्या मुंबईत मास्टर ब्लास्टर सचिन तेंडुलकरच्या घराबाहेर आंदोलन केलं आहेत.

सचिन ऑनलाईन गेमिंगची जाहीरात करतो आणि याच मुद्द्यावरुन बच्चू कडू यांनी आक्रमक पवित्रा घेतला आहे.

भारतरत्न असूनही अशा जाहिराती कशा करतात? असा सवालही यावेळी बच्चू कडू यांनी उपस्थित केला आहे.

सचिननं ऑनलाईन जाहिरातीतून बाहेर पडावं, नाहीतर भारतरत्न परत करावा, असं थेट आव्हानच बच्चू कडू यांनी केलं आहे.

जर असं नाही केलं तर येणाऱ्या गणेशोत्सवात मंडळांमध्ये सचिन तेंडुलकरच्या नावाची दानपेटी ठेवणार आणि 10 दिवसांनी त्यात जमा होणारे सर्व पैसे आम्ही सचिनला देणार, असंही बच्चू कडू म्हणाले आहेत.

बच्चू कडूंसह आंदोलन करणाऱ्या सर्व आंदोलकांना पोलिसांनी ताब्यात घेतलं आहे.

दरम्यान, ऑनलाईन गेमिंगची जाहीरात करत असल्याच्या मुद्द्यावरुन बच्चू कडू यांनी यापूर्वीही सचिन तेंडुलकरवर नाराजी व्यक्त केली होती.