Photo : 'ताजमध्ये बंदुका घेऊन दोन जण घुसणार!' 14 वर्षाच्या मुलाच्या फोनमुळं खळबळ

मुंबईतील ताज हॉटेल हे पर्यटकांच्या दृष्टीनं आकर्षणाचं केंद्र आहे.

ताज हॉटेलच्या सुरक्षितेबाबत कमालीची काळजी घेतली जाते.

खासकरुन 26/11 च्या हल्ल्यानंतर इथं सुरक्षेबाबत अत्यंत सतर्कता बाळगली जाते.

ताज हॉटेलमध्ये दोन जण एके47 घेऊन घुसणार आहेत, असा कॉल आज हॉटेलला आला होता.

हा फोन आल्यानंतर या परिसरात पोलीस बंदोबस्त वाढविण्यात आला होता.

मात्र हा कॉल कराडमधील एका 14 वर्षाच्या नववीत शिकणाऱ्या मुलाने केल्याचे समोर आले आहे.

एक चित्रपट बघून त्याने त्याच्या वडिलांच्या फोनवरून हा फोन केल्याचे स्पष्ट झाले आहे.