Mumbai : दादरमध्ये दुकानाचा जाहिरात फलक कोसळून तीन जण जखमी

मुंबईतील दादर टीटी येथील प्रीतम इस्टेट इमारतीखाली असलेल्या शापूर वाईन्स या मद्यविक्री दुकानाच्या परिसरात जाहिरातीचा फलक उभ्या असलेल्या व्यक्तींवर आज अचानक कोसळला.

फलक कोसळून तीन जण जखमी झाले आहेत.सायन परिसरात अचानक ही घटना घडल्याने ये-जा करणाऱ्यांची तारांबळ उडाली.

दुकानाचा फलक हा जुना झाला होता.शापुर वाईन्स दुकानात आलेले व शेजारील दुकानात खरेदीसाठी आलेल्या तिघांवर फलकाचे बांधकाम कोसळले त्यात तीन जण जखमी झाले.

त्यांना शेजारीच उभ्या असलेल्या लोकांनी तात्काळ सायन रुग्णालयात उपचारासाठी दाखल करण्यात आले आहे.

त्यातील दोघांना उपचार करून घरी सोडण्यात आले तर एकाला केईएम रुग्णालयात उपचारासाठी हलविण्यात आले.

ही घटना दुपारी एकच्या सुमारास घडली.

घटना घडल्यानंतर पोलिसांनी काही वेळातच घटनास्थळी पोलिसांनी धाव घेतली व दुकानदारावर माहिती घेऊन कारवाई करणार असल्याचं सांगितले