Mumbai Rain Update : मुंबईत चारी बाजूंनी विजांचा कडकडाट, पश्चिम उपनगरात तुफान पाऊस, वाऱ्यामुळे बॅनर कोसळले

Mumbai Rain Update : मुंबईच्या पश्चिम उपनगरात मागील अर्धा तासापासून परतीच्या पावसाला जोरदार सुरुवात झाली आहे.

Photo Credit - abp majha reporter

पश्चिम उपनगरात अनेक भागात ढगांच्या गडगटाटासह मुसळधार पाऊस सुरू झाला आहे. अंधेरी,जोगेश्वरी,गोरेगाव मालाड,कांदिवली,बोरिवली,दहिसर,विलेपार्ले सांताक्रुझ,वांद्रे या सर्व परिसरामध्ये सध्या मुसळधार पाऊस सुरू आहे.

काही वेळ जर असाच जोरदार पाऊस सुरू राहिला तर पश्चिम उपनगरात सखल भागांमध्ये पाणी भरायला सुरुवात होणार आहे.

मुंबई सोबतच मुंबई पूर्व उपनगरे, नवी मुंबई आणि रायगड जिल्ह्यात विजांच्या कडकडाटासह पावसाचा अंदाज व्यक्त केला जातोय.

पुढील 120 मिनिटांपर्यंत वादळी वाऱ्यासह पावसाच्या सरी पाहायला मिळू शकतात.

परतीच्या पावसामुळे अनेक ठिकाणी पाणी साचलंय. बोरिवलीतही मुसळधार पावसाला सुरुवात झालीये.

काही ठिकाणी नवरात्रीच्या शुभेच्छा देण्यासाठी लावण्यात आलेले बॅनर कोसळले आहेत.

भिवंडी शहरात व तालुक्यात विजाच्या कडकडात ढगाच्या गडगडात जोरदार पाऊस पडतोय.

परतीच्या पावसाने भिवंडी शहर व तालुक्यात विजांच्या कडकडात ढगांच्या गडगडात वादळी वाऱ्यासह पावसाने हजेरी लावली आहे.

संध्याकाळच्या सुमारास परतीच्या पावसाने जोरदार हजेरी लावली असून यावेळी नागरिकांची एकच तारांबळ उडाली असून उकाड्यापासून हैराण झालेल्या नागरिकांना दिलासा मिळालाय.