Rain : मुंबईत पावसाची संततधार, आज रेड अलर्ट

मुंबईत आज सकाळपासूनच पावसाची संततधार सुरु आहे. विविध ठिकाणी सखल भागात पाणी साचलं आहे.

आज मुंबईसह परिसरात पावसाचा रेड अलर्ट जारी करण्यात आला आहे.

मुसळधार पावसाच्या पार्श्वभूमीवर मुंबईकरांनी काळजी घ्यावी, प्रशासनाचं आवाहन

सखल भागात पाणी साचल्यानं वाहतुकीला अडथळा निर्माण होत आहे.

हवामान विभागानं दिलेल्या माहितीनुसार राज्याच्या विविध भागात आज मुसळधार पावसाचा इशारा देण्यात आला आहे.

सध्या राज्यातील अनेक भागात मुसळधार पाऊस (Heavy Rain) पडत आहे. या पावसामुळं काही भागात जनजीवन विस्कळीत झालं आहे.

आज मुंबई महानगराला दुपारपर्यंत अति मुसळधार पावसाचा रेड अलर्ट जारी करण्यात आला आहे. या पार्श्वभूमीवर सर्व शासकीय आणि खासगी प्राथमिक, माध्यमिक आणि उच्च माध्यमिक शाळा तसेच सर्व महाविद्यालयांना आज (गुरुवार दिनांक 27 जुलै 2023) रोजी सुट्टी जाहीर केली आहे.

आज मुंबईसह कोकण विभागाही मुसळधार पावसाची शक्यता आहे. रायगड, रत्नागिरी, सिंदुधुर्ग, कोल्हापूर आणि सातारा या जिल्ह्यांना पावसाचा ऑरेंज अलर्ट देण्यात आलाय.

पुणे जिल्ह्यात रेड अलर्ट देण्यात आलाय. दुसरीकडे संपूर्ण विदर्भात आज पावसाचा ऑरेंज अलर्ट जारी केलाय.