मुंबईच्या कमला नगरच्या झोपडपट्टीमध्ये भीषण आग; 25 हून अधिक घरं आगीच्या भक्ष्यस्थानी

मुंबईचा धारावी शाहूनगर परिसरात असलेल्या कमला नगरचा झोपडपट्टीमध्ये भीषण आग लागलीये.

शाहूनगर परिसरातील 25 हून अधिक घरं आगीच्या भक्ष्यस्थानी आलीत. आग अजुनही धुमसतेय.

आगीची माहिती मिळताच तात्काळ अग्नीशमन दलाला पाचारण करण्यात आलं.

आग इतकी भीषण होती की, आगीवर नियंत्रण मिळवण्यासाठी 20 ते 25 हून अधिक गाड्या घटनास्थळी दाखल झाल्यात.

अरुंद रस्त्यांमुळे अग्निशमन दलाला आग नियंत्रणात आणताना अनेक अडथळ्यांचा सामना करावा लागतोय.

आग अद्याप धुमसतीच आहे. अग्निशमन दलाकडून आगीवर नियंत्रण मिळवण्यासाठी प्रयत्न सुरूयेत.

पहाटे चार वाजण्याच्या सुमारास ही भीषण आग लागली होती.

सुदैवाने आतापर्यंत या आगीत कोणतीही जिवीतहानी झालेली नाही.

अग्निशमन दलाकडून आग विझवण्यासाठी शर्थीचे प्रयत्न सुरूयेत.