गिरगावच्या श्याम सदन गणेशोत्सव मंडळाकडून सर जेजे धर्मशाळेतील ज्येष्ठ नागरिकांसाठी आपुलकीचा हात

मुंबईतल्या गिरगावातील श्याम सदन श्रीगणेशोत्सव मंडळातर्फे आज नागपाड्यातील सर जेजे धर्मशाळेतील ज्येष्ठ नागरिकांना औषध वाटप आणि भेटवस्तुंचं वाटप करण्यात आलं.

सुमारे 52 ज्येष्ठ नागरिकांसाठी हे औषध वाटप करण्यात आलं आहे.

वृद्धाश्रमातील 24 आजी-आजोबा या कार्यक्रमाला उपस्थित होते.

गुलाबाच्या पाकळ्यांची उधळण करत आणि औक्षण करुन ज्येष्ठ मंडळींचं स्वागत करण्यात आलं.

सूरताल ग्रुपच्या टीमने जुन्या हिंदी-मराठी गीतांचा कार्यक्रमही यावेळी सादर केला.

कार्यक्रमातील काही गाण्यांवर ज्येष्ठ मंडळींनीही ताल धरला.

गिरगावच्या शारदासदन शाळेच्या सभागृहात हा कार्यक्रम आयोजित करण्यात आला होता.

श्याम सदन श्रीगणेशोत्सव मंडळाचं यंदाचं 96 वं वर्ष आहे.

image 9

image 10

image 11