PHOTO : गॅस टँकर थेट रेल्वे ट्रॅकवर; कल्याण-कसारा रेल्वेमार्गावर मोठा अनर्थ टळला

मध्य रेल्वेवरील कल्याण-कसारा मार्गावर काल सोमवारी संध्याकाळी एक मोठा अनर्थ टळला.

नाशिकहून मुंबईकडे भरधाव वेगात जाणारा एचपी गॅस कंपनीच्या टँकरचा टायर फुटून अपघात झाला. हा टँकर थेट आटगाव-आसनगाव दरम्यान्या रेल्वे ट्रॅकवर गेला. सुदैवाने त्यावेळी कोणतीही लोकल धावत नसल्याने मोठी दुर्घटना टळली.

काल संध्याकाळी साधारण 7.30 वाजताच्या सुमारास ही घटना घडली. या अपघातात कोणतीही जीवितहानी झालेली नाही.

यामुळे मध्य रेल्वेची दोन्ही लेनची वाहतूक बंद करण्यात आली आहे. तब्बल 2 तासानंतर कल्याण-कसारा मार्गावरील वाहतूक सुरू करण्यात आली.

रोड क्रेनच्या मदतीने टँकर बाजूला काढण्यात आपत्ती व्यवस्थापन दल, अग्निशमन दलाला यश आलं. दरम्यान या अपघातामुळे अनेक लोकल, एक्सप्रेस गाड्या वेगवेगळ्या स्थानकात थांबून होत्या.