Photo: सणासुदीला नागरिकांची तुफान गर्दी, नालासोपाऱ्यात मॉल बंद करण्याची वेळ

नालासोपारा पूर्वेकडील कॅपिटल मॉलमध्ये आज नागरिकांनी खरेदीसाठी प्रचंड गर्दी केली होती.

आज रविवार आणि ख्रिसमस सुट्टीमुळे ही मोठी गर्दी जमली होती.

या वाढत्या गर्दीमुळे अखेर कॅपिटल मॉलच्या व्यवस्थापकांनी आजच्या दिवशी कॅपिटल मॉल बंद करण्याचा निर्णय घेतला आहे.

आज दुकानदारांचा व्यवसायाचा चांगला दिवस मात्र सायंकाळी सहा वाजल्यापासून वाढत जाणाऱ्या गर्दीमुळे चेंगराचेंगरी होऊन अपघात होऊ नये, म्हणून पोलिसांनी मॉल बंद करण्याचे निर्देश मॉल व्यवस्थापनाला दिले.

यानंतर व्यवस्थापकांनी खबरदारी म्हणून आज मॉलच बंद केला आहे.

लोकांच्या गर्दीमुळे येथे मोठ्या प्रमाणात वाहतूक कोंडी देखील झाली होती.

मॉलबाहेर मोठ्या प्रमाणात गर्दी झाली असल्याचा एक व्हिडीओ देखील समोर आला आहे.

नाताळनिमित्त पुण्यातील महात्मा गांधी रोडवर देखील तुफान गर्दी झाली होती.

ख्रिसमस सेलिब्रेशनसाठी पुणेकरांनी एमजी रोडवर मोठी गर्दी केली होती.