रुख्मिणी मातेच्या पालखीचं अमरावतीत भव्य स्वागत

अमरावतीच्या अंबानगरीत बियाणी चौकात रुख्मिणी मातेच्या पालखीचं आमदार यशोमती ठाकूर यांच्या हस्ते मोठ्या उत्साहात स्वागत करण्यात आलं.

दरवर्षीप्रमाणे या मंगलमय सोहळ्याकरिता सर्वच धर्मातील नागरीक मोठ्या संख्येने उपस्थित होते.

त्यामुळे हा स्वागत सोहळा सामाजिक समतेचा वारसा जपणारा ठरला.

यावेळी नवनिर्वाचित खासदार बळवंत वानखडे आणि आमदार यशोमती ठाकूर यांनी फुगडीचा फेर धरला.

श्रीक्षेत्र कौंडण्यपूर येथील रुख्मिणी मातेची पालखी श्रीक्षेत्र पंढरपुर येथे होणाऱ्या आषाढी सोहळ्याकरिता जाण्याची 430 वर्षाची परंपरा आहे.

पालखी कौंडण्यपूर येथून निघाल्यानंतर अमरावती शहरात आगमन होताच अमरावती शहरातील बियाणी चौकात या पालखीचे स्वागत करण्याची परंपरा आमदार यशोमती ठाकूर यांनी सुरु केली.

त्यानुसारच या पालखीचे उत्स्फूर्त अन् जंगी स्वागत करण्यात आले.

पालखीचे बियाणी चौकात आगमन होताच पालखी पदयात्रेत सहभागी झालेल्या सर्व वारकऱ्यांचे स्वागत करण्यात आले.

यावेळी भक्तीत तल्लीन झालेल्या वारकऱ्यांसोबत आमदार यशोमती ठाकूर यांनी फुगडीचा फेर धरला.

त्यानंतर आमदार यशोमती ठाकूर यांनी काही अंतरापर्यंत पालखी खांद्यावर घेतली अन् त्यानंतर वारकऱ्यांचा पुढचा प्रवास सुरु झाला.