कानडा राजा पंढरीचा... कृष्ण जन्माष्टमीनिमित्त विठुरायाच्या राऊळीला फुलाफळांचा बहर

1

आज श्रीकृष्ण जन्माष्टमी आणि श्रावणी सोमवार असल्यानं हरिहराचे प्रतीक असलेल्या विठुरायाच्या राउळीला विविधरंगी फुलं आणि फळांच्या मदतीनं आकर्षक रीतीने सजविण्यात आलं आहे. (PHOTO : @PandharpurVR/Instagram)

2

पुणे जिल्ह्यातील हवेली येथील भक्त पांडुरंग रत्नाकर मोरे आणि नानासाहेब बबन मोरे यांनी या फळ फुल सजावटीची सेवा अर्पण केली आहे. (PHOTO : @PandharpurVR/Instagram)

3

एंथोरियम, ऑर्केड, शेवंती, कामिनी, गुलाब, झेंडू अशा फुलांचा वापर करीत विठ्ठल रुक्मिणी गाभारा, चौखांबी आणि सोळखांबी येथे अत्यंत कल्पकतेने सजावट साकारताना विविध फळांचाही आकर्षक पद्धतीने वापर करण्यात आला आहे. (PHOTO : @PandharpurVR/Instagram)

4

विठुरायाच्या मागे आज कृष्णाष्टमी असल्याने मोरपंखांचाही वापर केला असून देवाच्या मुगुटावरही मोरपीस लावण्यात आलं आहे. (PHOTO : @PandharpurVR/Instagram)

5

याशिवाय मंदिरात फुलांचे आकर्षक छत, पडदे आणि आणि फुल फळांची तोरणं बांधण्यात आली आहेत. (PHOTO : @PandharpurVR/Instagram)

6

यामध्ये अननस, कलिंगड, सफरचंद, सीताफळ, संत्री, मोसंबी आणि ड्रॅगन फळांचाही कल्पकतेनं वापर केला आहे. या सजावटीसाठी जवळपास 2 हजार किलो फुले आणि 500 किलो फळांचा वापर करण्यात आला आहे. (PHOTO : @PandharpurVR/Instagram)

7