पाहा फोटो: नागपूरमधील महाकाली नगरमध्ये भीषण आग, सिलेंडरचा स्फोट झाल्याचा संशय

नागपूरमधील महाकाली नगरमध्ये आज सकाळी 10 वाजण्याच्या सुमारास आग लागली.

या आगीत काही झोपड्या जळून खाक झाल्या आहेत. गॅस सिलिंडरच्या स्फोट झाल्याने ही आग लागली असल्याचे म्हटले जात आहे.

महाकाली नगरमध्ये सकाळी 10 वाजण्याच्या सुमारास अचानक मोठा स्फोट झाला. या स्फोटामुळे परिसरात खळबळ उडाली. स्फोटानंतर लागलेली आग वेगाने फैलावू लागली.

प्रत्यक्षदर्शींनी दिलेल्या माहितीनुसार, घटनास्थळी 6 ते 7 वेळेस स्फोटाचे आवाज ऐकू आले. आगीवर नियंत्रण मिळवण्यासाठी घटनास्थळी अग्निशमन दलाच्या 10 गाड्या दाखल झाल्या होत्या.

झोपडपट्टी मोठी आहे. त्याशिवाय अरुंद गल्ल्या आहेत. त्यामुळे अग्निशमन दलाला आग लागलेल्या ठिकाणापर्यंत पोहचण्यासाठी वेळ लागत होता.

स्थानिक नागरिकांकडून आगीवर नियंत्रणासाठी प्रयत्न सुरू आहेत.

खूप मोठ्या प्रमाणावर स्फोट झाल्यामुळे महाकाली नगर मधील अनेक कुटुंबांनी त्यांच्या घरातील महत्त्वाचे साहित्य तसेच घरगुती गॅस सिलिंडरसह सुरक्षित स्थळी धाव घेतली.