Brand Kolhapur : ब्रँड कोल्हापूर! सन्मान कोल्हापूरच्या मातीत घडलेल्या प्रतिभाशाली व्यक्तीमत्वांचा...

ब्रँड कोल्हापूर सन्मान सोहळा कोल्हापूरचे सुपुत्र व बेंगलोरचे पोलीस महानिरीक्षक हेमंत निंबाळकर यांच्या प्रमुख उपस्थितीत पार पडला.

या कार्यक्रमात गेल्या वर्षभरात राष्ट्रीय व आंतरराष्ट्रीय पातळीवर कोल्हापूरचे नाव मोठे करणाऱ्या गुणवंतांचा सत्कार करण्यात आला.

इतिहास संशोधक डॉ. जयसिंगराव पवार, अनाथ आणि वंचितांसाठी आयुष्यभर झटणारे डॉ.सुनीलकुमार लवटे, ज्येष्ठ अभिनेते भालचंद्र कुलकर्णी यांचा जीवन गौरव पुरस्काराने सन्मान करण्यात आला.

कोल्हापूरचे सुपुत्र व बेंगलोरचे पोलीस महानिरीक्षक हेमंत निंबाळकर अस्सल कोल्हापुरी भाषण करत कार्यक्रमात रंगत आणली.

कोल्हापूर नगरीने देशाला आणि जगाला असंख्य कलाकार, तंत्रज्ञ, अभियंते, खेळाडू दिले असल्याचे हेमंत निंबाळकर यावेळी म्हणाले.

यशस्वी माणसाला त्याच्या प्रयत्नाच्या काळात नेहमी वेडा ठरवले जाते. अशा वेड्या माणसांची कोल्हापूरमध्ये कमी नाही. या ध्येयवेड्या, महत्त्‍वाकांक्षी लोकांनी कोल्हापूर एक ब्रँड बनवले आहे, असे प्रतिपादन आमदार सतेज पाटील यांनी केले.

कोल्हापूरच्या मातीमधील सतेज पाटील राजकारणात चांगली कामगिरी करत असल्याने ते राज्याचे मुख्यमंत्री झाले पाहिजेत, असे मत डाॅ. सुनीलकुमार लवटे यांनी व्यक्त केली.

ब्रॅड कोल्हापूर कार्यक्रमासाठी कोल्हापुरातील सर्वच क्षेत्रातील मान्यवर उपस्थित होते

ऐश्वर्या जाधव, प्रज्वल चौगुले, सचिन कुंभोजे, अंजोरी परांडेकर, तन्मय निनाद, स्वप्नील माने, आशिष पाटील, अनिष जोशी, रमा पोतनीस, स्वप्नील कुसाळे, अभिजित तिरपणकर, पै. पृथ्वीराज पाटील, वैभव पाटील, नरसिंग पाटील, सौरभ प्रभुदेसाई, मुक्ता नार्वेकर, सुभाष पुरोहित, विरेन पाटील, निकिता कमलाकर, वेदांतिका माने, माहेश्वरी सरनोबत-शेळके, प्रमोद पाटील, डॉ. किरण पवार, आर्यन बावडेकर, मंगेश चव्हाण, शैलेश तोतला , संजय सूर्यवंश, भारतवीरसिंह देवरा, अतुल पाटील, नीलेश व्यवहारे, ओम कोरगावकर, अशोक चौगुले, प्रकाश मोरे, जान्हवी सावर्डेकर, शुभांगी पाटील, सोनल सावंत, ओंकार वाणी, कस्तुरी सावेकर, शाहू माने, पंकज रावळू, मुकेश तोतला, वैष्णवी पाटील, स्वाती शिंदे, कविता चावला, केदार कुलकर्णी, आनंद काळे, मदन माने, श्रीया क्षीरसागर, यश सबनीस, महेश चौगुले, पार्थ अथणे, डॉ. आकाश बडे, प्रा. हेमराज यादव, डॉ. सचिन ओतारी, प्रा. तुकाराम डोंगळे, डॉ. एस. ए. व्हनाळकर, इशिका डावरे, अनुष्का रोकडे यांना ब्रँड कोल्हापूर मानचिन्ह देऊन सन्मानित करण्यात आले.

सचिन लोंढे पाटील यांनी कार्यक्रमातील प्रमुख पाहुण्यांची ओळख करून दिली.