Weather : मध्य महाराष्ट्रात अवकाळी पावसाचा इशारा

सध्या राज्याच्या विविध भागात अवकाळी पावसानं (unseasonal rains) थैमान घातलं आहे.

अवकाळी पावसाचा शेती पिकांना मोठा फटका बसला आहे. त्यामुळं बळीराजा पुरता कोलमडलाय

आजही (12 एप्रिल) मध्य महाराष्ट्रात काही ठिकाणी अवकाळी पावसाचा अंदाज हवामान विभागानं (IMD) वर्तवला आहे.

उद्या कोकण, मध्य महाराष्ट्र आणि मराठवाड्यात अवकाळीचा जोर वाढणार असून, काही ठिकाणी गारपीट होण्याची शक्यता देखील वर्तवली आहे.

अवकाळी पावसामुळं शेतकरी संकटात सापडला आहे. शेतकऱ्यांची उभी पिकं आडवी झाली आहे.

फळबागांसह रब्बी पिकांचं मोठं नुकसान झालं आहे. त्यामुळं बळीराजा हतबल झाला आहे. अशातच आजही राज्यात अवकाळी पावसाचा इशारा देण्यात आला आहे.

आज मध्य महाराष्ट्रात काही ठिकाणी अवकाळी पावसाची शक्यता वर्तवण्यात आलीय. तर दुसरीकडं विदर्भतील अनेक जिल्ह्यात तापमानाचा पारा 39 अंश सेल्सिअसच्या वर गेला आहे.

हवामान विभागानं दिलेल्या अंदाजानुसार उद्या (13 एप्रिल) कोकण, मध्य महाराष्ट्र आणि मराठवाड्यात अवकाळी पावसाचा जोर वाढण्याची शक्यता आहे

तर काही ठिकाणी गारपीट होण्याची शक्यता देखील वर्तवण्यात येत आहे. मध्य महाराष्ट्र आणि मराठवाड्यात पुढील चार दिवस अवकाळी पावसाचा अंदाज वर्तवण्यात आला आहे.

13 आणि 15 एप्रिल दरम्यान काही ठिकाणी गारपीट देखील होण्याची शक्यता आहे. विदर्भात काही ठिकाणी हलक्या पावसाचा अंदाज वर्तवण्यात आला आहे.