Weather : महाराष्ट्रात थंडी कडाका वाढला

राज्यातील वातावरणात (Weather) हळूहळू बदल होत आहे. थंडीची चाहूल लागली आहे.

उद्यापासून (17 नोव्हेंबरपासून) महाराष्ट्रातील काही भागात थंडी वाढणार आहे.

नाशिक, अहमदनगर, पुणे, नंदुरबार, जळगांव, अमरावती, भंडारा, गोंदिया, वर्धा, चंद्रपूर आणि गडचिरोली या जिल्ह्यात किमान तापमानात घसरण होण्याची शक्यता

राज्यात हळूहळू थंडीची चाहूल लागण्याची शक्यता कायम असल्याची माहिती ज्येष्ठ हवामान तज्ज्ञ माणिकराव खुळे (Manikrao Khule) यांनी दिली.

माणिकराव खुळे यांनी दिलेल्या माहितीनुसार, दोन दिवसानंतर उत्तर भारतात पश्चिम हिमालयीन पर्वतीय क्षेत्रात पुन्हा येऊ घातलेले नवीन पश्चिमी झंजावाताच्या परिणामातून पडणारा पाऊस आणि बर्फवृष्टीमुळं महाराष्ट्रात अधिक थंडी जाणवण्यासही मदत होईल

आज बंगालच्या उपसागरात सध्या अस्तित्वात असलेले अतितीव्र कमी दाब क्षेत्राचे उद्या (दि.17 नोव्हेंबरला) चक्रीवादळात रुपांतर होण्याची शक्यता आहे

19 नोव्हेंबर ते बुधवार दिनांक 23 नोव्हेंबरच्या पाच दिवसादरम्यान महाराष्ट्रातील कोल्हापूर, सोलापूर, नांदेड, परभणी, हिंगोली ह्या जिल्ह्यात वातावरण काहीसे ढगाळलेले राहणार आहे.

कमाल आणि किमान तापमानात काहींशी वाढ होवून वातावरणात ऊबदारपणा जाणवण्याची शक्यता खउळे यांनी व्यक्त केली आहे.

सध्याच्या वातावरणातील स्थितीनुसार, बंगालच्या उपसागरातील चक्रीवादळ आणि तामिळनाडू, केरळातील ईशान्य हिवाळी मान्सूनच्या गतिविधितेला चालना मिळत असल्याचे खुळे म्हणाले.