Bhiwandi News : भिवंडीत मुसळधार पावसाची दाणादाण! नदी, नाले हाऊसफुल्ल , सखल भागात पाणीच पाणी!

राज्यातील बहुतांश भागात आज कोसळलेल्या दमदार पावसाने अनेक जिल्ह्यांना अक्षरक्ष: झोडपून काढलंय.

अशातच, भिवंडी शहर आणि ग्रामीण भागात दुपारपासून मुसळधार पावसाने जोरदार हजेरी लावलीय.

दमदार पावसामुळे शहरातील सखल भागांमध्ये पाणी साचले आहे.

यात भाजी मार्केट, तीन बत्ती, नारपोली, कमला हॉटेल आणि कल्याण नाका या परिसरात मोठ्याप्रमाणात पाणी साचले आहे.

ज्यामुळे नागरिकांना रस्त्यावरून प्रवास करताना मोठा त्रास सहन करावा लगततोय.

तर भाजी मार्केट, तीन बत्ती परीसरात गुडघाभर पाणी साचले होते.

मागील काही दिवसांपासून गर्मीने त्रस्त असलेल्या नागरिकांना या पावसामुळे दिलासा मिळाला आहे.

यामुळे शेतीसाठी आवश्यक असलेला पाऊस पडल्याने शेतकऱ्यांनाही मोठा आनंद झाला आहे.

आगामी काळात देखील पावसाचा जोर असाच कायम राहण्याची शक्यता आहे.

मात्र, आज अचानक आलेल्या पावसाने मात्र काही काळ एकच दाणादाण उडवल्याचे चित्र बघायला मिळाले आहे,