Rain : मुंबईसह राज्याच्या काही भागात जोरदार पाऊस

राज्याच्या विविध भागात पावसानं (Rain) हजेरी लावली आहे.

मुंबईत कालपासून पावसाचा जोर चांगलाच वाढला आहे. अनेक ठिकाणी पहिल्याच पावसाच मुंबईची तुंबई झाल्याचं पाहायला मिळालं.

राज्यातील वाशिम, सोलापूर, पुणे, छत्रपती संभाजीनगर, पालघर, वसई विरार, कोल्हापूर या भागात पावसानं जोरदार हजेरी लावली.

काही ठिकाणी नागरिकांच्या घरात पावसाचे पाणी शिरल्याचे पाहायला मिळाले.

मुंबईत पुन्हा एकदा पावसाचा जोर वाढला आहे. पूर्व आणि पश्चिम उपनगरात सध्या मुसळधार पाऊस सुरु आहे.

मुंबईतील अनेक सखल भागात पाणी साचण्यात सुरुवात झाली आहे.

सखल भागात पाणी साचल्यामुळं वाहतुकीवर परिणाम झाला आहे.

पावसाला सुरुवात झाल्यानं राज्यातील शेतकऱ्यांमध्ये आनंदाचे वातावरण आहे.

सोलापूर शहरात जोरदार पाऊस झाला आहे. अनेक ठिकाणी नागरिकांच्या घरात पाणी शिरलं आहे.