PHOTO : आगीचा भडका अन् धुराचे लोट; अकोल्यात गॅरेजला भीषण आग

अकोला शहरातील वाशिम बायपास परिसरातल्या चारचाकी वाहनांचं गॅरेज आणि स्पेअर पार्टच्या दुकानाला भिषण आग लागली आहे.

हिंदुस्थान गॅरेज आणि स्पेअर पार्टस असं आग लागलेल्या दुकानाचं नाव आहे.

सकाळी साडेआठच्या सुमारास ही आग लागली आहे.

दुकानात टायर आणि ऑईल असल्यानं आग आणखी पसरत गेली आहे.

त्यामुळे संपुर्ण वाशिम बायपास परिसरात धुराचे लोट पसरले आहेत.

आग विझवण्यासाठी महापालिकेच्या अग्नीशमन विभागाचे शर्थीचे प्रयत्न सुरू आहे. सकाळी साडेनऊपर्यंत आग विझवण्याच्या कामात अग्निशमन दलाच्या 12 गाड्या वापरण्यात आल्या आहेत.

आग लागल्याच्या तासभरानंतरही आग धुमसतेच आहे. दरम्यान, आगीचं नेमकं कारण आणि नुकसानाचा प्राथमिक आकडा अद्याप समजू शकला नाही.