अयोध्येतल्या प्राणप्रतिष्ठेवर बहिष्कार घालणारे ज्योतीर्मठाचे शंकराचार्य अविमुक्तेश्वरानंद मातोश्रीवर, उद्धव ठाकरेंची घेतली भेट

या भेटीदरम्यान ठाकरे कुटुंबांनी शंकराचार्य यांचा आशीर्वाद घेतला.

या भेटीच्या वेळी ठाकरे कुटुंबाने पादुका पूजन केलं .

पादुका पूजनावेळी संपूर्ण ठाकरे कुटुंब उपस्थित असलेला पाहायला मिळालं.

उद्धव ठाकरे, रश्मी ठाकरे, आदित्य ठाकरे, तेजस ठाकरे या वेळी उपस्थित होते.

शंकराचार्य अविमुक्तेश्वरानंद यांनी अयोध्येत झालेल्या प्राणप्रतिष्ठा सोहळ्यावर आक्षेप घेतला होता.

प्राणप्रतिष्ठा सोहळा शास्त्रानुसार होत नसल्याचं शंकराचार्यांचे म्हणणं होतं,यावेळी शंकराचार्यांच्या या भूमिकेला उद्धव ठाकरे यांनी पाठिंबा दिला होता.

उद्धव ठाकरे यांच्या सोबत विश्वासघात झाला आहे, अशी प्रतिक्रिया ज्योतीर्मठाचे शंकराचार्य अविमुक्तेश्वरानंद यांनी दिली आहे.

जो हिंदू आहे तो विश्वासघात करत नाही त्यामुळे विश्वासघात करणारे हिंदू नाहीत, असेही ते यावेळी म्हणाले.

पंतप्रधान नरेंद्र मोदी हे आमचे दुष्मन नाही, अशी प्रतिक्रिया देखील शंकराचार्य अविमुक्तेश्वरानंद यांनी दिली आहे.