Vidarbha Ganeshotsav 2022 : विदर्भातील नेत्यांच्या घरी बाप्पांचे आगमन...

Nagpur : केंद्रीय मंत्री नितीन गडकरी यांच्या निवासस्थानी गणरायाचे आगमन. मुहूर्ताच्या वेळी सकाळी नितीन गडकरी नागपुरात नसल्याने सारंग गडकरी यांच्याहस्ते गणेशस्थापना करण्यात आली. नंतर दुपारी गडकरी यांनी गणरायाचे दर्शन घेतले.

Nagpur : कॉंग्रेसचे प्रदेशाध्यक्ष नाना पटोले यांच्या नागपुरातील निवासस्थानी गणेशस्थापना करण्यात आली.

Akola : आमदार अमोल मिटकरी यांच्या अकोल्यातील न्यू तोष्णीवाल ले-आऊट येथील निवासस्थानी गणरायाचे आगमन. बळीराजाला समृद्ध करण्यासाठी आमदार मिटकरींचं गणरायाला साकडं.

Nagpur : रामटेकचे शिवसेना खासदार कृपालजी तुमाने यांच्या सुभेदार ले-आऊट, मानेवाडा रोड, नागपूर येथील निवासस्थानी आज सकाळी श्री गणरायाची प्राणप्रतिष्ठा करण्यात आली. खासदार तुमाने यांनी पत्नी रेवती यांच्यासह श्री गणेशाची पूजा व आरती केली.

Wardha : देवळी येथे वर्धा जिल्ह्याचे खासदार रामदास तडस यांच्या निवासस्थानी गणपती बाप्पाचे आगमन झाले. विधीवत सहपरिवार गणरायांची स्थापना करून जिल्ह्यातील सर्व नागरिकांना सुखी समाधानी ठेवावे अशी गणराया चरणी प्रार्थना केली.

Nagpur : भाजपचे प्रदेशाध्यक्ष चंद्रशेखर बावनकुळे यांच्या कोराडी येथील निवासस्थानी बावनकुळे यांनी दरवर्षी प्रमाणे यंदाही सहकुटुंब गणेशस्थापना केली.