Devendra Fadanvis : देवेंद्र फडणवीसांच्या 'सागर' बंगल्यावर गणेशाचं आगमन, कुटुंबीयांसोबत केली पूजा

राज्यभर आज गणेशोत्सवाचा उत्साह पाहायला मिळाला. सर्वसामान्य नागरिक, कलाकार ते राजकारणी आणि सेलिब्रेटींनी आपल्या घरी गणेशाची प्रतिष्ठापणा केली.

राज्याचे उपमुख्यमंत्री देवेंद्र फडणवीसांच्या सागर या निवासस्थानी विधीवत गणपतीची प्राणप्रतिष्ठा करण्यात आली.

यावेळी देवेंद्र फडणवीसांच्या आई, पत्नी अमृता फडणवीस आणि मुलगी दिविजासह इतर कुटुंबीय उपस्थित होते.

देवेंद्र फडणवीसांनी त्यांच्या बाप्पाच्या आगमनाचे आणि प्राणप्रतिष्ठापणेचे फोटो सोशल मीडियावर शेअर केले आहेत.

दरवर्षीच्या परंपरेप्रमाणे श्री गणरायाच्या मूर्तीची सहकुटुंब प्राणप्रतिष्ठापना केली. आज माझ्या मुंबई येथील निवासस्थानी बाप्पांचे आगमन झाले असं फडणवीसांनी ट्वीट केलं.

आपल्या राज्यासमोर आणि देशासमोर जी विघ्नं आहेत ती गणेशाचं वंदन केलं की दूर होतात अशा भावना यावेळी फडणवीसांनी बोलून दाखवल्या.

मोदी सरकारच्या महिला आरक्षण बिलला सर्वपक्षीय समर्थन मिळेल आणि या अधिवेशनात हे बिल पास होईल अशी अपेक्षा फडणवीसांनी बोलून दाखवली.

देवेंद्र फडणवीस यांच्या पत्नी अमृता फडणवीस यांनी राज्यात समृद्धी नांदू दे असं साकडे घालत बाप्पासाठी खास गाणंही म्हटलं.