PHOTO : ढोल ताशांच्या गजरात छत्रपती शिवाजी महाराज, छत्रपती महाराणी ताराराणी यांचा रथोत्सव सोहळा संपन्न

ढोल ताशांच्या गजरात छत्रपती शिवाजी महाराज, छत्रपती महाराणी ताराराणींचा रथोत्सव सोहळा संपन्न झाला.

कोल्हापुरातून राजर्षि छत्रपती शाहू महाराज कृतज्ञता पर्वाची सुरुवात झाली आहे. फुलांच्या पाकळ्यांनी घातलेल्या पायघड्या, ठिकठिकाणी काढलेल्या रंगीबेरंगी रांगोळ्या, चित्तथरारक आणि रोमांचकारी मर्दानी खेळ आणि ढोल-ताशांचा गजरात छत्रपती शिवाजी महाराज की जय! छत्रपती ताराराणी महाराणी की जय! राजर्षी छत्रपती शाहू महाराज की जय! अशा घोषणांनी परिसर दुमदुमला.

राजर्षि शाहू महाराज स्मृती शताब्दी वर्षानिमित्त' लोकराजा राजर्षी छत्रपती शाहू महाराज कृतज्ञता पर्वाला सोमवारी भवानी मंडपातून रथोत्सवाने सुरुवात झाली.

यावेळी श्रीमंत शाहू महाराज छत्रपती, पालकमंत्री सतेज पाटील, संभाजीराजे छत्रपती, मालोजीराजे छत्रपती यांची प्रमुख उपस्थिती होती.

श्रीमंत शाहू महाराज छत्रपती, संभाजीराजे छत्रपती, मालोजीराजे छत्रपती यांच्या हस्ते रथाचे पूजन करण्यात आले.

यावेळी मान्यवरांसह पालकमंत्री सतेज पाटील यांनी रथ ओढून रथोत्सवाला प्रारंभ झाला. पारंपरिक लवाजम्यासह हा रथ भाविकांनी ओढून मार्गस्थ केला.