कानडा राजा पंढरीचा... पुरुषोत्तम मासातील एकादशीनिमित्त विठुरायाची राऊळी सजली

अधिक अर्थात पुरुषोत्तम मासातील एकादशीनिमित्त आज लाखोंच्या संख्येने भाविक पंढरपुरात दाखल झाले आहेत.

एका विठ्ठल भक्ताने विठ्ठल मंदिराला आकर्षक फुलांची सजावट केली आहे.

दर तीन वर्षाने येणाऱ्या या पुरुषोत्तम मासाचे वारकरी संप्रदायात अनन्यसाधारण महत्व आहे.

आज या महिन्याचा पर्वणी काळ आहे.

आजच्या पुरुषोत्तम मासातील एकादशीनिमित्त पुणे येथील विठ्ठल भक्त राम जांभुळकर यांनी विठ्ठल मंदिराला आकर्षक सजावटीची सेवा दिली आहे.

विठ्ठल मंदिराला 23 प्रकारच्या फुलांचा वापर करत आकर्षक फुलांची सजावट केली आहे.

या सजावटीसाठी झेंडू , मोगरा , कामिनी , ब्ल्यू डीजे , टटिस , शेवंती , गुलछडी , गुलाब अशा विविध प्रकारच्या फुलांचा वापर केला आहे.

विठ्ठल रुक्मिणी गाभारा वगळून चौखांबी, सोळखांबी, विठ्ठल आणि रुक्मिणी सभामंडप येथे ही सजावट करण्यात आली आहे.

या सुगंधी फुलांच्या सजावटीमुळे विठ्ठल मंदिर सुगंधानं दरवळून गेलं आहे.