PHOTO : बीडच्या नवले दाम्पत्याला विठुरायाच्या महापुजेचा मान; मुख्यमंत्र्यांसह केली पूजा

Ashadhi Ekadashi 2022

यंदाच्या आषाढी एकादशीच्या शासकीय महापूजेत सहभागी होण्याचा मान गेवराई (ता. बीड) च्या नवले दाम्पत्याला मिळाला.

मुरली भगवान नवले (52) आणि जिजाबाई मुरली नवले (47) यांनी मुख्यमंत्री एकनाथ शिंदे यांच्यासोबत शासकीय महापूजा केली.

नवले दाम्पत्य गेली 20 वर्षे वारी करत आहेत.

शेतकरी असलेलं नवले दाम्पत्य यावर्षी संत ज्ञानेश्वर महाराजांच्या पालखी सोहळ्यासोबत पायी आले आहेत.

दरम्यान, यंदा विठ्ठलाची शासकीय महापूजा नवनिर्वाचित मुख्यमंत्री एकनाथ शिंदे यांच्या हस्ते पार पडली.

यावेळी एकनाथ शिंदेंसोबत त्यांच्या पत्नी, लता एकनाथ शिंदेही उपस्थित होत्या.

विठ्ठलाच्या शासकीय महापूजेवेळी यंदा मुख्यमंत्र्यांच्या चार पिढ्या उपस्थित होत्या.

मुख्यमंत्री शिंदेंसोबत त्यांचे वडील संभाजी, पुत्र खासदार श्रीकांत शिंदे आणि श्रीकांत शिंदे यांचा मुलगा आणि एकनाथ शिंदे यांचा नातूही उपस्थित होता.

नातवाला कडेवर घेत मुख्यमंत्री एकनाथ शिंदेंनी केली विठ्ठल रुक्मिणीची पूजा