Latur News : ट्रॅक्टरला ओव्हरटेक करताना ट्रॅव्हल्स उलटली; एकाचा मृत्यू, 25 जखमी

लातूर जिल्ह्यातील जळकोट तालुक्यातील उमरगा येथे ट्रॅव्हल्स पलटल्याने भीषण अपघात झाला आहे.

या अपघातात एका प्रवाशाचा जागीच मृत्यू झाला आहे. तर, 25 जण जखमी झाले आहेत.

अपघातग्रस्त ट्रॅव्हल बसही नांदेडमधील मुखेड येथून पुण्याकडे जात होती.

साईकृपा ट्रॅव्हल्स कंपनीची ही बस मुखेडवरून आज रात्री सात वाजण्याच्या सुमारास निघाली होती.

जळकोट तालुक्यातील उमरगा या गावाजवळ आल्यानंतर हा अपघात झाला.

ट्रॅक्टरला ओव्हरटेक करण्याच्या प्रयत्नात ट्रॅव्हल्सने ट्रॅक्टरला धडक दिली. धडक एवढी जोरदार होती की ट्रॅव्हल्स पलटी झाला.

या अपघातातील जखमींना तात्काळ अहमदपूर येथील सरकारी दवाखान्यात दाखल करण्यात आले आहे.