ऐन दिवाळीत रिसॉर्टवर झगमगाटात अश्लील डान्स, गगनबावड्यात धाड, 9 मुलींसह 31 जण सापडले!

महाराष्ट्रात सध्या विधानसभा निवडणुकीची रणधुमाळी सुरु आहे. राज्यात 20 नोव्हेंबर रोजी मतदान होणार असून 23 नोव्हेंबरला मतमोजणी होणार आहे.

याचदरम्यान कोल्हापूरमधील एक धक्कादायक घटना समोर आली आहे. विधानसभा निवडणुकीच्या पार्श्वभूमीवर कोल्हापूर पोलीस ॲक्शन मोडवर आहेत.

यावेळी गगनबावड्यातील कोदे येथे बेकायदा पार्टीवर पोलिसांनी छापेमारी केली.

या पार्टीमध्ये अश्लील हावभाव करून नाचणाऱ्या 9 नृत्यांगणासह 31 जणांच्या विरोधात गगनबावडा पोलीस ठाण्यात गुन्हा दाखल करण्यात आला आहे.

31 जणांमध्ये मुंबई, पुणे, सांगलीसह कोल्हापुरातील लोकांचा यामध्ये समावेश असल्याची माहिती समोर आली आहे.

नयनिल फार्म रिसॉर्टवर पोलीस पथकाने ही कारवाई केली आहे. ऐन दिवाळीत कोल्हापूर पोलिसांची मोठी कारवाई समोर आली आहे. या कारवाईत 4,51,100 किंमतीचे दारू- मोबाईलसह इतर साहित्य देखील जप्त करण्यात आले आहे.