Kolhapur News: कसबा बावडा झूम प्रकल्पातील आग अजूनही धुमसतीच; परिसरातील नागरिकांच्या आरोग्याचा प्रश्न गंभीर

कोल्हापुरातील कसबा बावड्यातील गेल्या आठवड्यापासून कचरा प्रक्रिया प्रकल्पातील कचऱ्याला लागलेली आग अजूनही धुमसत आहे.

कचऱ्यातून धूर मोठ्या प्रमाणात बाहेर पडत असल्याने नागरिकांना प्रचंड त्रास होत आहे.

गेल्या आठवड्यापासून कचऱ्याला लागलेली आग मोठी भडकली होती.

धुरामुळे शेजारील रस्त्यावरील वाहतूक बंद झाली होती.

नागरिकांचेही आरोग्याचे प्रश्‍न निर्माण झाल्याने अग्निशमन दलाकडून सातत्याने प्रयत्न केले जात होते.

तरीही आग पूर्णतः आटोक्यात आली नाही.

गेल्या काही दिवसांपासून धुमसणाऱ्या कचऱ्यातून मोठ्या प्रमाणात धूर बाहेर पडत आहे.

त्याचा वास तीव्र असून, परिसरातील नागरिकांना त्रास होत आहे.

आरोग्य विभागाकडूनही दररोज कचऱ्यावर पाणी मारले जात आहे. तरीही आग पूर्ण थांबलेली नाही.

एक आठवड्यापूर्वी लागलेल्या आगीवर महापालिकेच्या अग्निशमन दलाच्या जवानांनी रात्रभर प्रयत्न करून आटोक्यात आणली होती.