Bharat Jodo Yatra: भारत जोडो यात्रेत रॉबर्ट वाड्रा, प्रियांका गांधी आणि त्यांची मुलगी झाली सहभागी, पाहा फोटो

Priyanka Gandhi In Bharat Jodo Yatra: राहुल गांधी यांच्या नेतृत्वाखाली काँग्रेसची भारत जोडो यात्रा सध्या राजस्थानमध्ये पोहोचली आहे. या यात्रेत आज प्रियंका गांधी, त्यांचे पती रॉबर्ट वाड्रा आणि त्यांची मुलगी देखील सहभागी झाली.

भारत जोडो यात्रा 12 डिसेंबर 2022 रोजी राजस्थान येथील बुंदी जिल्ह्यातून पुन्हा सुरू झाली. ज्याची आजची थीम होती महिला सक्षमीकरण.

यादरम्यान प्रियंका गांधींनी आपल्या मुलीसोबत काही आनंदाचे क्षण घावले.

बुंदी जिल्ह्यातील बबई येथील तेजाजी महाराज मंडई येथून सकाळी सहा वाजता सुरू झालेल्या या यात्रेला नारी शक्ती पद यात्रा, असं म्हटलं जात आहे.

कोटा-लालसोट महामार्गावर राहुल आणि प्रियंका गांधी यांच्यासोबत पक्षाच्या कार्यकर्त्यांसह जवळपासच्या भागातील महिला मोठ्या संख्येने सहभागी झाल्या.

यावेळी हजारो महिलांनी या यात्रेत सहभाग घेतला आणि राहुल-प्रियांका गांधींसोबत चालताना दिसल्या.

सोमवारी राजस्थानमधील यात्रेचा सातवा दिवस असून बुंदी जिल्ह्यात शेवटचा दिवस आहे.

तेजाजी मंदिरापासून सुमारे 6 किमी चालल्यानंतर ही यात्रा सकाळी 7.15 च्या सुमारास टोंक जिल्ह्यात पोहोचली आणि पिपलवाडा मार्गे स्वेमाधोपूरमध्ये प्रवेश करण्यापूर्वी टोंकमध्ये सुमारे 5 किमीचा प्रवास केला.

काँग्रेसचे इंदरगढ (बुंदी) ब्लॉक अध्यक्ष अजय शर्मा यांनी सांगितले की, आज सकाळी जेव्हा यात्रा पुन्हा सुरू झाली, तेव्हा राहुल आणि प्रियंका गांधींसोबत 5,000 हून अधिक महिलांनी यात सहभाग घेतला.