New Parliament Building: संसदेत सेंगोलची स्थापना, इमारत उभारणाऱ्या मजुरांचा सन्मान... फोटोंमधून पाहा नव्या संसद भवन उद्घाटनाचा ऐतिहासिक सोहळा

संसद भवनाच्या उद्घाटनापूर्वी पंतप्रधान नरेंद्र मोदी यांनी नव्या संसद भवनात महात्मा गांधींना पुष्पहार अर्पण केला.

हवन आणि पूजनानं उद्घाटन सोहळ्याची सुरुवात झाली. यावेळी ओम बिर्ला हे देखील पंतप्रधान मोदींसोबत कार्यक्रमात बसले होते. तामिळनाडूतील संतांच्या नामजपानं हवनाचा पूजाविधी संपन्न झाला.

पूजेच्या कार्यक्रमानंतर 18 मठांच्या मठाधिपतींनी पंतप्रधान मोदींना आशीर्वाद देऊन राजदंड दिला. यानंतर पीएम मोदींनी सेंगोलला साष्टांग दंडवत केलं आणि संसद भवनात त्याची स्थापिना केली.

पंतप्रधान नरेंद्र मोदींसोबत लोकसभेचे अध्यक्ष ओम बिर्ला हेही सर्व कार्यक्रमात उपस्थित होते. नवीन संसदेत सेंगोलची स्थापना केल्यानंतर पंतप्रधान मोदींनी तामिळनाडूच्या संतांना अभिवादन केलं.

यानंतर पंतप्रधान मोदींनी नवीन संसद भवनाचं उद्घाटन केलं.

नवीन संसद भवनाच्या उद्घाटनानंतर पंतप्रधान मोदींनी इमारतीच्या बांधकामासाठी हातभार लावणाऱ्या कामगारांचं अभिनंदन करुन त्यांचा सन्मान केला.

लोकसभा अध्यक्ष ओम बिर्ला आणि कॅबिनेट मंत्र्यांसह पंतप्रधान मोदी यांनी नवीन संसद भवनात आयोजित सर्वधर्मीय प्रार्थना समारंभाचं आयोजन केलं होतं. यावेळी सर्वधर्मीय प्रार्थना पार पडली.

'सर्वधर्म' प्रार्थनेत विविध धर्मातील विद्वान आणि महर्षींनी आपापल्या धर्मांची पूजा केली. यावेळी पंतप्रधान मोदी, लोकसभा अध्यक्ष ओम बिर्ला आणि इतर केंद्रीय मंत्रिमंडळातील नेते उपस्थित होते.