Gandhinagar Railway Station : गांधीनगरचं एअरपोर्टसारखं दिसणारं रेल्वे स्टेशन, आज उद्घाटन, पाहा फोटो

Gandhinagar Railway Station :  गुजरातच्या गांधीनगरमध्ये पुनर्विकसित केलेल्या रेल्वेस्टेशनसह अन्य काही विकासकामांचं उद्घाटन आज पंतप्रधान नरेंद्र मोदी यांच्याहस्ते व्हर्चुअली व्हिडीओ कॉन्फरन्सिंगच्या माध्यमातून होणार आहे.(Photo Tweeted by @narendramodi)

मोदींच्या हस्ते गुजरातमध्ये रेल्वेच्या काही महत्वाच्या प्रकल्पांचं उद्घाटन होईल तसंच ‘अॅक्वाटिक्स अॅन्ड रोबॉटिक्स गॅलरी’ आणि गुजरात सायंस सिटीमधील ‘नेचर पार्क’ देखील लोकार्पित केलं जाणार आहे. (Photo Tweeted by @narendramodi)

पंतप्रधान मोदी आज पुनर्विकसित गांधीनगर रेल्वे स्टेशन आणि रेल्वे स्टेशनच्या वर बनवलेल्या फाईव्ह स्टार हॉटेलचं व्हर्चुअली उद्घाटन करतील. तसेच पंतप्रधान मोदी गांधीनगर राजधानी-वाराणसी सुपरफास्ट एक्सप्रेस आणि गांधीनगर राजधानी- वरेठा दरम्यान एमईएमयू या दोन नवीन ट्रेन्सला हिरवा झेंडा देखील दाखवतील. (Photo Tweeted by @narendramodi)

पंतप्रधान कार्यालयाच्या माहितीनुसार गांधीनगर राजधानी रेल्वे स्टेशनच्या पुनर्विकासासाठी 71 कोटी रुपयांचा खर्च आला आहे. आधुनिक सुविधांसह एअरपोर्टसारख्या सुविधा या रेल्वे स्टेशनवर पुरवण्यात येणार आहेत.  (Photo Tweeted by @narendramodi)

गांधीनगर कॅपिटल पहिला स्टेशन आहे जिथं स्टेशनवर फाईव्ह स्टार हॉटेलची निर्मिती करण्यात आली आहे. स्टेशनवर आल्यानंतर प्रवाशांना विमानतळावर आल्याचीच भावना निर्माण होईल अशी याची निर्मिती केली आहे. पंतप्रधान मोदींचा हा ड्रीम प्रोजेक्ट मानला जातो.  (Photo Tweeted by @narendramodi)