Belgaon Waterfall: मुसळधार पावसामुळे गोकाक धबधबा प्रवाहित; पर्यटकांसाठी ठरतोय आकर्षण, पाहा फोटो...

घटप्रभा नदीला मोठ्या प्रमाणावर पाणी आल्याने गोकाकचा धबधबा प्रवाहित झाला आहे.

घटप्रभा नदीवरील हा धबधबा पावसाळ्यात अमेरिकेतील नायगारा धबधब्याची आठवण करून देतो.

भले मोठे पात्र असलेल्या घटप्रभा नदीतील पाणी पावसाळ्यात रोरावत खाली कोसळते. त्यातून होणारा आवाज, उडणारे तुषार पाहणे हा एक आनंददायी अनुभव असतो.

घटप्रभा नदीचे पाणी बावन्न मीटर उंचावरून खाली कोसळते.

यावर्षी पाऊस उशिरा आल्याने धबधबा प्रवाहित होण्यास वेळ लागला.

दरवर्षी जून महिन्याच्या मध्यात प्रवाहित होणारा धबधबा यंदा जुलै महिन्याच्या तिसऱ्या आठवड्यात पूर्ण क्षमतेने प्रवाहित झाला आहे.

घटप्रभा नदीवरील हा धबधबा पर्यटकांचे आकर्षण असून कर्नाटक, महाराष्ट्र आणि गोव्यातून पर्यटक धबधबा पाहायला येत आहेत.

धबधबा पूर्णपणे प्रवाहित होण्याआधीच पर्यटकांनी येथे मोठी गर्दी करू म्हणून या ठिकाणी मोठा पोलीस बंदोबस्त ठेवण्यात आला आहे.

धोकादायक ठिकाणी जाऊन सेल्फी काढण्याचं धाडस पर्यटकांनी सुरू केल्यामुळे खबरदारी म्हणून पोलिसांचा बंदोबस्त ठेवण्यात आला आहे.