Champa Shashthi 2024 : यळकोट यळकोट...जय मल्हार! चंपाषष्ठी षडरात्र महोत्सवानिमित्त जेजूरी गडावर 551 महिलांकडून हरिद्रामार्चन महापूजा

श्री मार्तंड देवस्थान जेजुरी व श्री ज्ञानयोग सेवा ट्रस्ट यांच्या वतीने चंपाषष्ठी षडरात्र महोत्सवानिमित्त श्री म्हाळसाकांत हरिद्रामार्चन महापूजा व महाआरती महिलांच्या शुभहस्ते संपन्न झाली.

या कार्यक्रमात जवळपास 551 महिलांनी सहभाग नोंदवला.

श्रीमंत दगडूशेठ हलवाई गणपती या ठिकाणी दरवर्षी ऋषीपंचमीला महिलांचे अथर्वशीर्ष पठण होत असतं.

तसेच नवरात्रीमध्ये देवीचे कुंकू मार्जन पूजा होते.

या दोन्ही उपक्रमाच्या अनुषंगाने खंडेरायाच्या दारातही महिलांकडून महाआरती हरिद्रामार्चन पूजा व्हावी, या दृष्टिकोनातून हा संकल्प प्रथमच घेण्यात आला.

पूजा झाल्यानंतर महिलांनी एकत्रित खंडेरायाची आरती केली.

या वेळी सर्वत्र भक्तिमय वातावरण निर्माण झाले होते.