PHOTO: सोयाबीन बाजारात येण्यापूर्वीच दरामध्ये घसरण, शेतकऱ्यांना फटका

दिवाळीचे बोनस पीक म्हणून ओळखल्या जाणाऱ्या सोयाबीनच्या हंगामाला जेमतेम आठ ते पंधरा दिवसांचा कालावधी राहिला आहे.

असे असताना बाजारपेठेमध्ये सोयाबीनच्या दरात एक हजार रुपयांची घसरण झाली आहे.

पेरणी हंगामा काळात सोयाबीनचा दर 3 हजार 500 ते 5 हजार रुपयांपर्यंत होता.

शेतकऱ्यांकडील सोयाबीन संपत आले, तेव्हा सोयाबीनचे दर 7 हजार 590 पर्यंत वाढले होते.

या हंगामात सोयाबीनला सर्वात उच्चांकी दर मिळाला होता.

मात्र दोन महिन्यांपासून सोयाबीनचे दर सहा हजारांदरम्यान स्थिरावले होते.

आता बाजारात शेतकऱ्यांचे सोयाबीन येणार असतानाच या दरामध्ये एक हजारांनी घसरण झाली आहे.

त्यामुळे याचा फटका सोयाबीन उत्पादक शेतकऱ्यांना बसणार आहे.