PHOTO: बाळासाहेब ठाकरेंच्या जयंतीनिमित्त शिंदे गटाकडून औरंगाबादेत 'शक्तिप्रदर्शन'

औरंगाबादमध्ये आज बाळासाहेब ठाकरे यांच्या जयंतीनिमित्त विविध कार्यक्रम पार पडले.

यावेळी बाळासाहेब ठाकरे यांच्या जयंतीनिमित्त शिंदे गटाकडून मोटारसायकल रॅली काढण्यात आली.

शहरातील क्रांती चौक येथील छत्रपती शिवाजी महाराजांच्या पुतळ्यास अभिवादन करून या मोटारसायकल रॅलीला सुरुवात झाली.

हातात भगवा घेऊन निघालेल्या कार्यकर्त्यांकडून बाळासाहेब ठाकरे यांना अभिवादन देण्यात येणाऱ्या घोषणा देण्यात आल्या.

यावेळी जीपवर ठेवण्यात आलेला बाळासाहेब ठाकरे यांचा पुतळा सर्वाचे लक्ष वेधून घेत होता.

यावेळी तरुणांची मोठ्याप्रमाणावर उपस्थिती पाहायला मिळाली.

रॅलीमध्ये महिला कार्यकर्त्यांची संख्या देखील लक्षणीय होती.

याच मोटारसायकल रॅलीत रोहयो मंत्री तथा औरंगाबादचे पालकमंत्री संदिपान भुमरे देखील सहभागी झाले होते.

तर शिंदे गटाचे आमदार संजय शिरसाट सुद्धा मोटारसायकल रॅलीत सहभागी होते.

त्यामुळे बाळासाहेब ठाकरे यांच्या जयंतीनिमित्ताने शिंदे गटाकडून औरंगाबादेत 'शक्तिप्रदर्शन' करण्यात आल्याची चर्चा पाहायला मिळत आहे.