Photo: गस्तीवरील पोलिसांच्या व्हॅनला अपघात; चार पोलीस कर्मचारी जखमी

औरंगाबाद ग्रामीण पोलिसांच्या गंगापूर पोलीस ठाण्यातील पोलीस व्हॅनचा अपघात झाला आहे.

बगडी- नेवरगाव रोडवर गस्त घालत असताना वळणावर गंगापूर पोलीस ठाण्याची व्हॅन उलटून अपघात झाला.

या अपघातात चार पोलीस कर्मचारी किरकोळ जखमी झाले.

ही घटना रविवारी घडली असल्याची माहिती समोर आली आहे.

दुपारी एक वाजेच्या सुमारास गंगापूर पोलीस स्टेशनवरून निघून बगडी-नेवरगाव रोडवर पोलीस गस्त घालत होते.

यावेळी वळणावर चालकाचे नियंत्रण सुटून व्हॅन उलटली.

व्हॅनमधील पोलिस उपनिरीक्षक शकील शेख, अनिल शिंदे, पदमकुमार जाधव, पोहेकॉ. विजय नागरे पोलिस कर्मचारी किरकोळ जखमी झाले.

या जखमी पोलिसांवर येथील उपजिल्हा रुग्णालयात प्रथमोपचार करण्यात आले.

दरम्यान, याची नोंद गंगापूर पोलिसांत करण्यात आल्याची माहिती मिळत आहे.