स्वार्थी माणूस... रस्त्यावरील मृत मोराची पिसे काढून घरी नेली; व्हिडिओ व्हायरल

मृत्यूनंतरही राष्ट्रीय पक्षी म्हणून ओळख असलेल्या मोराला नरक यातना भोगाव्या लागल्या अन् त्याला कारणीभूत ठरला तो माणूस.

मेल्याच्या टाळूवरचं लोणी खाणं ज्याला म्हणतात तोच प्रकार अकोल्या जिल्ह्यातल्या पातूर तालुक्यात घडल्याचं पाहायला मिळालं.

पातूरच्या एका रस्त्यालगत मृत अवस्थेत मोर आढळून आला होता, याच मृत पडलेल्या मोराचे पंख या मार्गावरुन जाणाऱ्या प्रवासी, नागरिकांनी तोडून नेल्याचं दिसून आलं.

दरम्यान रस्त्यावरून येणाऱ्या-जाणाऱ्या नागरिकांनी निर्दयीपणे मृत मोराची मोर पीस काढत असतानाचा व्हिडिओ समोर आले आहेत.

राष्ट्रीय पक्षी असलेल्या मोराच्या मृत्यूनंतर अशी ह्रयदद्रावक घटना घडल्याने पक्षी प्रेमींनी संताप व्यक्त केला आहे. तसेच, वनविभाग काय कारवाई करते? असा प्रश्नही विचारला आहे.

रस्त्यावर मृतावस्थेत पडलेल्या मोराची पिसे उपटून काढताना लोकं दिसून येतात. तसेच, दुचाकी थांबवून एकाचं पाहून दुसराही तसंच करत असल्याचं दिसून येतं.

15 ऑगस्ट रोजी स्वातंत्र्य दिन साजरा करत देशभक्तीचा जागर सर्वत्र पाहायला मिळाला. मात्र, दुसऱ्याच दिवशी राष्ट्रीय पक्षी असलेल्या मृत मोराची पिसे देखील लोकांनी काढून नेली