Health Tips : दुधात भिजवलेले काजू आरोग्यासाठी गुणकारी; 'या' समस्यांवर कराल मात

या ड्रायफ्रुट्समध्ये समाविष्ट असलेल्या काजूमध्ये प्रथिने, फायबर आणि मॅग्नेशियम, मॅंगनीज, फॉस्फरस, जस्त, तांबे यांसारखी खनिजे भरपूर प्रमाणात असतात.

सांधे आणि हाडांच्या दुखण्यापासून आराम मिळण्यासाठी दुधात भिजवलेले काजू नक्की खावे.

रात्रभर दुधात भिजवलेले काजू खाल्ल्यास हाडे मजबूत होण्यास मदत होते. दुधात कॅल्शियमचे प्रमाण जास्त असते. तर काजूमध्ये व्हिटॅमिन के, व्हिटॅमिन बी 6, मॅग्नेशियम आणि मॅंगनीज सारखे पोषक घटक आढळतात.

आजकाल बद्धकोष्ठता ही एक सामान्य समस्या झाली आहे. तुम्हालाही बद्धकोष्ठतेची समस्या असेल तर दुधात भिजवलेल्या काजूचे सेवन सुरू करा. काजूमध्ये योग्य प्रमाणात फायबर आढळते, जे बद्धकोष्ठतेच्या समस्येपासून मुक्त होण्यास मदत करते.

रोज दुधात भिजवलेल्या काजूचे सेवन केल्याने तुमची रोगप्रतिकारशक्ती वाढते. दूध आणि काजू या दोन्हीमध्ये जीवनसत्त्वे आणि खनिजे भरपूर प्रमाणात असतात.

जेव्हा ते एकत्र सेवन केले जाते तेव्हा ते तुमची प्रतिकारशक्ती वाढविण्यात मदत करू शकतात. काजू दुधात भिजवून खाल्ल्याने लवकर आजारी पडण्याची शक्यता कमी होते.

यासाठी 3 ते 5 काजू एक ग्लास दुधात भिजवून रात्रभर ठेवा. त्यानंतर सकाळी उठून काजू दुधात उकळा. यानंतर काजू चावून दूध प्यावे.

एक गोष्ट लक्षात ठेवा की हे काजू कधीही जास्त प्रमाणात खाऊ नका, कारण काजूचा प्रभाव खूप गरम असतो. यामुळेच काजूचे जास्त सेवन करू नका.

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.