Benefits of Indian Spices : फक्त चवच नाही तर या भारतीय मसाल्यांमध्ये आरोग्याचा दडलेला आहे खजिना !

भारत हा मसाल्यांसाठी ओळखला जाणारा देश आहे. इथल्या मसाल्यांना जगभरात मोठी मागणी आहे. त्यांच्याशिवाय आपल्या ताटाची चव निस्तेज राहते. केवळ चवच नाही तर आरोग्याच्या दृष्टीनेही हे मसाले खूप महत्त्वाचे आहेत. (Photo Credit : pexels )

स्वयंपाकघरात सहज उपलब्ध असणारे हे मसाले तुम्हाला सोपे वाटत असले तरी ते तुमच्या पचनसंस्थेसाठी खूप फायदेशीर ठरू शकतात. चला जाणून घेऊया त्यांचे फायदे.(Photo Credit : pexels )

जर तुम्हीही अॅसिडिटी आणि आंबट ढेकराने त्रस्त असाल तर यासाठी हिंगाचे सेवन खूप फायदेशीर ठरू शकते. अपचन, अॅसिडिटी आणि पोटाच्या सर्व प्रकारच्या समस्यांवर हिंग उपयुक्त ठरते. यात दाहक-विरोधी गुणधर्म आहेत, जे उपचारांसाठी खूप प्रभावी आहेत.(Photo Credit : pexels )

तुम्हालाही अनेकदा गॅस किंवा अपचनाची तक्रार असेल तर दालचिनीचे सेवन चहा किंवा जेवणात घालून करणे खूप फायदेशीर ठरते. यामुळे नैसर्गिकरित्या तुमची पचनसंस्था मजबूत होते आणि अन्नाची चव दुप्पट होते.(Photo Credit : pexels )

पोटाच्या सर्व प्रकारच्या समस्यांवरही ओव्याचेचे सेवन फायदेशीर ठरते. गॅस आणि अॅसिडिटी दुरुस्त करण्यासाठी हे खूप प्रभावी मानले जाते. यात असलेल्या थायमोल तेलामुळे गॅस्ट्रिक रस बाहेर पडतो, ज्यामुळे अॅसिडिटीमध्ये आराम मिळतो. हे प्रत्येक स्वयंपाकघरात सहज उपलब्ध असते.(Photo Credit : pexels )

जिऱ्याशिवाय कुठल्याही पदार्थांची चव निस्तेज राहते. भारतीय पाककृतींमध्ये याचा समावेश बहुतेक पदार्थांमध्ये केला जातो. गॅसवर कोरडे भाजून गरम पाण्यातही खाऊ शकता. त्याचबरोबर सकाळी रिकाम्या पोटी याचे सेवन केल्याने पचनक्रिया चांगली होते.(Photo Credit : pexels )

पचनसंस्था मजबूत करण्यासाठी आल्याचे सेवन खूप महत्वाचे मानले जाते. पोट फुगणे किंवा सूज येणे यासारख्या समस्यांपासून मुक्त होण्यासाठीही हे खूप उपयुक्त आहे. सर्दी-खोकल्यावरही हे रामबाण उपाय म्हणून काम करते.(Photo Credit : pexels )

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.(Photo Credit : pexels )