Health Tips : हृदयविकाराचा धोका टाळायचाय? 'या' 4 सवयी आधी बदला

तुम्हाला तुमचे हृदय (Heart) निरोगी ठेवायचं असेल, तर योग्य जीवनशैली (Lifestyle) तसेच आहाराचं पालन करणं गरजेचं आहे. गेल्या काही वर्षांत हृदयविकाराच्या घटनांमध्ये झपाट्याने वाढ होत आहे. भारतातही हृदयरुग्णांची संख्या सातत्याने वाढतेय.(Photo Credit : Pixabay)

अलीकडेच एका चित्रपटाच्या शूटिंगदरम्यान अभिनेता श्रेयस तळपदेलाही (Shreyas Talpade) हृदयविकाराचा झटका (Heart Attack) आला. त्यानंतर त्याच्यावर त्वरित अँजिओप्लास्टी शस्त्रक्रिया करण्यात आली. याआधीही सुष्मिता सेन तसेच इतर कलाकार हृदयविकाराच्या झटक्याला बळी पडले आहेत.(Photo Credit : Pixabay)

हृदयविकाराचा धोका केवळ वृद्ध लोकांमध्येच नाही तर तरुणांमध्येही वाढतोय. अमेरिकन हार्ट असोसिएशनच्या मते, जर तुम्हाला हृदयविकाराचा झटका टाळायचा असेल, तर योग्य जीवनशैलीचे पालन करणे महत्त्वाचे आहे.(Photo Credit : Pixabay)

लहान वयातच हृदयविकाराच्या झटक्याने अनेक तरुण आपला जीव गमावत आहेत. हे टाळण्यासाठी आठवड्यातून 150 मिनिटे वेगवान वॉक करा. (Photo Credit : Pixabay)

या धोकादायक आजाराचा धोका कमी करण्यासाठी आपल्या जीवनशैलीत इतर कोणते बदल केले पाहिजेत या संदर्भात अधिक माहिती जाणून घ्या. (Photo Credit : Pixabay)

धूम्रपानाचा आपल्या हृदयावर वाईट परिणाम होतो. बिडी, सिगारेट आणि इतर धूम्रपानाच्या पदार्थांच्या धुरामुळे हृदयाला गंभीर धोका निर्माण होतो. (Photo Credit : Pixabay)

आजच्या काळात बहुतांश लोक तणावाचा सामना करतायत. हळूहळू त्याचे रूपांतर चिंता आणि नैराश्यात होते. त्यामुळे हृदयविकाराचा धोका अनेक पटींनी वाढतो. यासाठी जास्त ताण न घेता तणावावर नियंत्रण ठेवणं गरेजचं आहे.(Photo Credit : Pixabay)

जास्त साखर आणि जंक फूड देखील हृदयासाठी धोकादायक आहे. त्यामुळे कोलेस्ट्रॉल, रक्तदाब आणि रक्तातील साखर वाढण्याचा धोका असतो. याबरोबरच या आजारांची तपासणीही वेळोवेळी करावी.(Photo Credit : Pixabay)

हृदयविकाराचा धोका कमी करण्यासाठी, शक्य तितके शारीरिकरित्या सक्रिय व्हा. तासन् तास एकाच जागी बसणे टाळा. वेळेवर झोपणे आणि उठणे तसेच सकस आहार घेणे खूप महत्वाचे आहे. त्याचबरोबर, दररोज किमान 7-8 तास पुरेशी झोप घ्यावी.(Photo Credit : Pixabay)