Afternoon Naps : वामकुक्षी घेताय? दुपारी झोपण्याचे 'हे' फायदे जाणून घ्या
दुपारी झोपण्याला वामकुक्षी म्हटलं जातं. अनेकदा लोकांना दुपारनंतर झोप येऊ लागते. हे घडतं कारण ती आपल्या शरीराची गरज असते. जाणून घेऊया दुपारी झोपण्याचे काही फायदे
Download ABP Live App and Watch All Latest Videos
View In Appजर तुम्ही कामातून ब्रेक घेऊन एक तास झोपलात तर यामुळे तुमचा थकवा दूर होण्यास मदत होते.
उच्च रक्तदाबाची समस्या असलेल्या लोकांसाठी दुपारची झोप खूप फायदेशीर ठरु शकते. याशिवाय दुपारच्या झोपेमुळे हार्मोन्सचे संतुलनही बरोबर राहते. पचनक्रिया सुधारते. अपचनाच्या समस्येपासून आराम मिळू शकतो.
दुपारी झोपल्याने तणावापासून मुक्ती मिळू शकते. जे लोक बराच वेळ बसून काम करतात ते थकतात. त्यामुळे हळूहळू तणावाची समस्या सुरु होते. अशा परिस्थितीत जर तुम्ही 1 तासाची झोप घेतली तर ते तुमच्यासाठी फायदेशीर ठरु शकते.
दिवसभरात थोडा वेळ झोपल्याने हृदय निरोगी राहण्यास मदत होते. दिवसा झोपल्याने हृदयाचे ठोके काही प्रमाणात मंदावतात. यामुळे हृदयविकार टाळता येतात.
जर तुम्ही दुपारी एक तास झोपलात तर तुमच्या कामगिरीमध्येही खूप सुधारणा होऊ शकते. तुमची प्रॉडक्टिव्हिटी वाढू शकते.
दुपारची झोप घेणे डोळ्यांसाठी देखील फायदेशीर आहे. कारण कामाच्या वेळी डोळ्यांवर दाब पडतो. अशा स्थितीत झोप घेतल्यास डोळ्यांचा दाब कमी होऊ शकतो. कोरड्या डोळ्यासारख्या समस्या टाळता येतात.
दिवसभरात थोडा वेळ झोप घेतल्याने तुमचा मूड सुधारतो. तुम्ही पूर्वीपेक्षा जास्त अॅक्टिव्ह होता आणि आत्मविश्वासासोबत सतर्कताही वाढते. यामुळे तुमची स्मरणशक्तीही सुधारते.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.