H3N2 Virus : चिंताजनक! H3N2 व्हायरसचा धोका, कोरोनासारखा पसरतो इन्फ्लुएंझा, स्वत:चं संरक्षण कसं कराल?

हवामान बदलामुळे अनेकांना सर्दी, ताप, खोकला या समस्यांना तोंड द्यावं लागतंय. सर्दी आणि सततचा खोकला यावर औषधही काम करेनाशी झाली आहेत.(PC : istock)

औषधं घेतल्यानंतरही बहुतेकांना खोकल्यापासून पूर्णपणे आराम मिळालेला नाही. इंडियन कौन्सिल ऑफ मेडिकल रिसर्च (ICMR) नं हा नवा व्हायरस असल्याचं सांगितलं आहे. (PC : istock)

ICMR नं दिलेल्या माहितीनुसार, हे एका प्रकारच्या इन्फ्लूएंझा व्हायरसमुळे होत आहे. (PC : istock)

H3N2 हा एक विषाणूजन्य आजार आहे. हा विषाणू एका व्यक्तीकडून दुसऱ्या व्यक्तीमध्ये सहज पसरतो. डब्ल्यूएचओच्या मते, गर्दीच्या ठिकाणी हा विषाणू सहज पसरू शकतो.(PC : istock)

सध्या देशात इन्फ्लूएंझा A चा H3N2 व्हायरसचा संसर्ग वाढला आहे. H3N2 मुळे रुग्णालयात दाखल होणाऱ्या रुग्णांची संख्याही वाढल्याचं डॉक्टरांनी सांगितलं आहे. (PC : istock)

दरम्यान, मेदांताचे संचालक डॉ. रणदीप गुलेरिया यांनी नागरिकांना घाबरू नका असा सल्ला दिला आहे. डॉ. गुलेरिया यांनी सांगितलं की, देशात सध्या कोरोना विषाणूचा संसर्ग कमी झाला आहे. पण सर्दी-खोकला आणि ताप या आजाराच्या रुग्णांमध्ये वाढ झाली आहे. (PC : istock)

अनेक राज्यांमध्ये इन्फ्लूएंझा A चा उपप्रकार H3N2 व्हायरसचा संसर्ग वाढला असून रुग्णसंख्या झपाट्याने वाढताना दिसत आहे. H3N2 व्हायरसचा संसर्ग दरवर्षी या वेळी पाहायला मिळतो. (PC : istock)

H3N2 विषाणूचा संसर्ग टाळण्यासाठी खबरदारी म्हणून मास्क घालण्याचा, हात वारंवार धुण्याचा आणि सामाजिक अंतर राखण्याचा सल्ला डॉक्टरांनी दिला आहे.(PC : istock)

डॉ. गुलेरिया यांनी सांगितलं आहे की, या इन्फ्लूएंझापासून गंभीर आजाराचे रुग्ण आणि वृद्धांनी काळजी घेणं गरजेचं आहे. यासाठी लस घेणं आवश्यक आहे. (PC : istock)

तसेच, इंडियन मेडिकल असोसिएशनने (आयएमए) या व्हायरसला हंगामी ताप म्हटलं आहे, हा विषाणू पाच ते सात दिवस टिकतो. IMA ने संक्रमित व्यक्तीला अँटीबायोटिक घेणं टाळण्याचा सल्ला दिला आहे.(PC : istock)