In Pics : काश्मिरमधील गुलमर्ग येथे देशातील पहिले इग्लू कॅफे, पाहा फोटो

यंदा काश्मिरच्या थंडीने सर्व रेकॉर्ड तोडले आहेत. बर्फवृष्टीमुळे अनेक समस्यांचा सामना करावा लागत आहे. परंतु या बर्फाचा वापर करत चक्क एका व्यक्तीने अनोखे इग्लू कॅफे बनवले आहे.

हे इग्लू कॅफे आतील बाजूने 22 फूट रूंद आणि १३ फूट उंच आहे. तर बाहेरील बाजूने 24 फूट रूंद आणि 15 फूट उंच आहे.

कॅफेचे मालक वसीम शाह म्हणाले, इग्लू बनवण्यासाठी मला 15 दिवस लागले. यामध्ये 16 जणांच्या बसण्याची व्यवस्था केली आहे. केवळ 15 दिवसात 20 मजुरांनी हा कॅफे उभारला आहे

आशिया खंडातील हा सर्वात मोठा पहिला आइस कॅफे असल्याचा दावा वसीम शाह यांनी केला आहे. त्यामुळे याची नोंद लिम्का बूक ऑफ रेकॉर्डमध्ये होईल, अशी आशा शाह यांना आहे.

हॉटेल नागरिकांसाठी खुले करण्यात आले आहे. देशाच्या कानाकोपऱ्यातून पर्यटक हे इग्लू कॅफे पाहण्यासाठी येतील, असेही कॅफे मालक वसीम शाह म्हणाले.