wedding Bells | मिताली- सिद्धार्थला हळद लागली होssss

'घोडा मैदान जवळ...' असं म्हणत मागील कित्येक दिवसांपासून सोशल मीडियावर सिद्धार्थ चांदेकर याच्यासोबतचे फोटो पोस्ट करणाऱ्या अभिनेत्री मिताली मयेकर हिनं आता तिचाच सूर बदलला आहे. घोडा मैदानात आता आम्ही प्रवेश केला आहे, अशा आशयाचं कॅप्शन देत तिनं नुकतंच एका खास सोहळ्याची छायाचित्र शेअर केली आहेत. (छाया सौजन्य इन्स्टाग्राम- @gaatha.co.in/ @mitalimayekar)

सिद्धार्थनंही सोड मुंजेच्या वेळचं छायाचित्र पोस्ट करत अतिशय मजेशीर अंदाजात, 'सोड मुंज झाली. आता जातो काशी ला. ओके बाय' असं कॅप्शन देत लगीनघाई सुरु झाल्याचे संकेत सर्वांना दिले. (छाया सौजन्य इन्स्टाग्राम- @sidchandekar)

मराठी कलाविश्वातील या लाडक्या सेलिब्रिटी जोडीला नुकतीच एकमेकांच्या नावाची हळद लागली. दोघांनीही सोशल मीडियाच्या माध्यमातून या क्षणांची छायाचित्र पोस्ट करत आनंद व्यक्त केला. (छाया सौजन्य इन्स्टाग्राम- @gaatha.co.in/ @mitalimayekar)

मितालीनं घोडा मैदान... आशयाचं कॅप्शन लिहिलं, तर तिथं सिद्धार्थनं 'अरं हलद लागली', असं लिहिलं. (छाया सौजन्य इन्स्टाग्राम- @gaatha.co.in/ @mitalimayekar)

तिच्या कॅप्शनवरुन अंदाज आलाच असेल की ही छायाचित्र आहेत अभिनेता सिद्धार्थ चांदेकर आणि मिताली मयेकर यांच्या विवाहपूर्व विधी, समारंभांची. (छाया सौजन्य इन्स्टाग्राम- @gaatha.co.in/ @mitalimayekar)

लग्न म्हटलं की मांडव आलाच. याच मांडवाच्या पुजेनं कार्य निर्विघ्न पार पडण्यासाठी नारळ वाढवला गेला. तेव्हाचंही छायाचित्र मितालीनं पोस्ट केलं. (छाया सौजन्य इन्स्टाग्राम- @mitalimayekar)