बापरे! आधी रोहित शेट्टीच्या घरावर गोळीबार, आता रणवीर सिंहला धमकीचा मेसेज; व्हॉट्सअपवरुनच धक्कादायक मागणी

Ranveer Singh Gets Threat: रोहित शेट्टीच्या घरावर फायरिंगनंतर सिनेसृष्टीत खळबळ उडाली. आता अभिनेता रणवीर सिंहला धमकीचा मेसेज प्राप्त झाला.

Ranveer Singh Gets whatsapp voice note Threat

मनोरंजन सिनेसृष्टीतून एक धक्कादायक बातमी समोर आली आहे. अभिनेता रणवीर सिंहला धमकीचा मेसेज प्राप्त झाला आहे.

दिग्दर्शक रोहित शेट्टी यांच्या घरावर झालेल्या हल्ल्यानंतर, रणवीर सिंहलाही धमकी देण्यात आली आहे.

काही दिवसांपूर्वी रोहित शेट्टीच्या घराबाहेर फायरिंग करण्यात आली होती. फायरिंगच्या घटनेनंतर सिनेसृष्टीत खळबळ उडाली.

या घटनेत पोलिसांनी आरोपींना अटक केली. रोहित शेट्टी सध्या पोलिसांना तपासात सहकार्य करत आहे. त्याने कुटुंब तसेच मित्रमंडळींना घरात न येण्याचा सल्ला दिला आहे.

दरम्यान, या घटनेनंतर आज रणवीर सिंहला धमकीचा मेसेज पाठवण्यात आला आहे.

रणवीर सिंहला व्हॉट्सॲप व्हॉइस नोटद्वारे धमकीचा संदेश पाठवण्यात आला आहे. या मेसेजमधून आरोपीनं कोट्यवधी रुपयांची खंडणी मागितली आहे.

या धमकीनंतर रणवीर सिंहने तत्काळ मुंबई पोलिसांकडे धाव घेतली. तसेच पोलिसांना संपूर्ण घटनेची माहिती दिली.

घटनेची दखल घेत रणवीर सिंहच्या घराबाहेर सुरक्षा वाढवण्यात आली आहे. दरम्यान, धमकीचा व्हॉइस नोट पाठवणार्‍या व्यक्तीचा शोध पोलीस शोध घेत आहेत. आरोपीनं रणवीरला धमकी का दिली? याचा शोध सुरू आहे.