Prabhas on his wedding plan : प्रभासचं ठरलं, तिरूपतीमध्ये करणार लग्न!

6 जून 2023 रोजी प्रभास आणि क्रिती सेनन यांची प्रमुख भूमिका असलेल्या आदिपुरूष चित्रपटाचा ट्रेलर लाँच करण्यात आला होता. या सिनेमाची कथा रामायणावर आधारित असून सिनेमा 16 जून रोजी प्रदर्शित होणार आहे. या सिनेमात प्रभासने राघव आणि क्रितीने जानकीची भूमिका साकारलेली आहे.

पण गेल्या काही दिवसापासून क्रिती आणि प्रभासच्या अफेअरची खूप चर्चा केली जात आहे. अशातच प्रभासने आदिपुरूष सिनेमाच्या लाँचिंगच्या वेळी सांगितले की तो लवकरच लग्न करणार आहे.

या लाँचिंगदरम्यान एका चाहत्याने प्रभासला लग्नाबद्दल विचारले होते. यावर प्रभासने उत्तर देताना सांगितले की, लग्न? कोणत्या तरी दिवशी... मी तिरूपतीमध्येच लग्न करणार आहे.

गेल्या काही काळापासून क्रिती आणि प्रभासच्या प्रेम प्रकरणाबद्दल खूप गॉसिपिंग सुरू आहे. परंतु याला दोघांनी नकार दिला होता.

भेडिया सिनेमाच्या चित्रिकरणा दरम्यान अभिनेता वरूण धवनने एका रिअॅलिटी शोमध्ये क्रिती आणि प्रभास एकमेकांना डेट करत असल्याची हिंट दिली होती. यानंतर त्यांच्या अफेअरबद्दल जास्त चर्चा रंगली होती.

यानंतर क्रितीने अफेअरबद्दलच्या बातम्यांचे खंडण करताना तिच्या इंस्टग्राम अकाउंटवर पोस्ट शेअर केली होती. हे सर्व तिने विनोदी स्वरूपात शेअर करत खंडण केलं होतं.

यांच्या कामाबद्दल बोलायचे झाले तर सध्याच्या प्रभासकडे अनेक चित्रपट आहेत. ओम राऊत यांच्या 'आदिपुरूष' सिनेमाशिवाय 'सालार', 'प्राजेक्ट के','राजा डिलक्स' आणि संदिप रेड्डी वांगा यांच्या 'स्पिरिट' सिनेमात झळकणार आहे.

तर क्रिती सेनन आनंद एल राय यांच्या 'गणपथ'मातून झळकणार आहे. या सिनेमात प्रमुख भूमिकेत टायगर श्रॉफही दिसणार आहे.