सिध्दार्थच्या लूकने केला सोशल मीडियावर 'धुरळा'

फोटो - सोशल मीडिया

आया है राजा लोगो रे लोगो म्हणत सिध्दार्थने नुकतेच तयार होतानाचे रिल्स सोशल मीडियावर पोस्ट केले आहे. सिध्दार्थच्या फोटोवर त्याचे चाहते मराठीतील करण जोहर अशी कमेंट्स करत आहेत.

आपला सिध्दू हा नेहमीच प्रेक्षकांना त्यांच्या घरातला मेंबर वाटत असतो. त्यामुळे चाहतेदेखील नेहमीच त्याच्यावर भरभरून प्रेम करत असतात. सिध्दार्थ आज मराठीतील बडा कलाकार झालेला असला तरीही तो कायम डाउन टू अर्थच आहे.

सिध्दार्थ नेहमीच वेगवेगळ्या लूक्समधून प्रेक्षकांच्या भेटीला येत असतो. त्याचे सगळेच लूक हटके असतात. त्यामुळे त्याला फॉलो करणाऱ्यांची संख्यादेखील दिवसेंदिवस वाढत आहे.

रंगभूमीपासूनदेखील सिध्दार्थ मागे राहिलेला नाही. त्याचे 'गेला उडत' हे नाटक माय-बाप रसिक प्रेक्षकांनी डोक्यावर घेतले होते. त्या नाटकातील भूमिकेसाठी सिध्दार्थला प्रचंड कसरत करावी लागत होती. त्याच्या त्या उर्जेसाठी प्रेक्षक नेहमीच नाट्यगृहात टाळ्यांचा कडकडाट करत असायचे.

नेहमीच वेगवेगळ्या भूमिका सिध्दार्थ निवडत असतो. कधी सिनेमा, कधी नाटक तर कधी छोटा पडदा तो गाजवतो. तो करत असलेले निखळ मनोरंजन प्रेक्षकांना कायम भावते.

आपला सिध्दू हा सिध्दार्थ जाधवच्या हॅशटॅगची चर्चा सिध्दार्थच्या चाहत्यांमध्ये दिसून येत आहे. त्याच्या सोशल मीडियावरील फोटोवर तो टाकत असलेल्या कॅपशनची चर्चा चांगलीच होत असते.