Katrina Kaif : हॉंगकॉंग ते लंडन कतरिना कैफबद्दल हे वाचून तुम्हालाही आश्चर्य वाटेल!

कतरिना कैफनं 'छावा' फेम अभिनेता विक्की कौशलसोबत आपली लग्नगाठ बांधली आहे.

कतरिना

कतरिना कैफ ही फक्त सुंदर अभिनेत्री नसून मेहनती, बहुभाषिक आणि खूपच शिस्तबद्ध व्यक्तिमत्त्व असलेली कलाकार आहे.

बॉलिवूडमध्ये स्वतःचं स्थान निर्माण करणं तिच्यासाठी सोपं नव्हतं.

कतरिना कैफचा जन्म १६ जुलै १९८३ रोजी हॉंगकॉंगमध्ये झाला.

तिचे वडील मोहम्मद कैफ हे काश्मिरी वंशाचे मुस्लिम असून व्यवसायाने ब्रिटिश नागरिक आहेत, तर तिची आई सुझान टर्कॉट ही ब्रिटिश वंशाची समाजसेविका आहे.

कतरिना आठ भावंडांमध्ये एक आहे ज्यात ती सहाव्या क्रमांकावर आहे.

तिच्या आईवडिलांमध्ये लवकरच घटस्फोट झाला, आणि त्यानंतर तिच्या भावंडांची संपूर्ण जबाबदारी आईवर आली.

कतरिनाचं बालपण अत्यंत बहुदेशीय आणि सांस्कृतिकदृष्ट्या समृद्ध असं होतं

तिच्या आईच्या समाजसेवेच्या कामामुळे त्यांना सतत देशांमध्ये स्थलांतर करावं लागे. त्यामुळे तिला चीन, जपान, फ्रान्स, स्वित्झर्लंड, पोलंड, बेल्जियम, हवाई, आणि शेवटी लंडन या विविध देशांमध्ये राहतं आलं.

बालपणापासूनच तिला डान्स, फॅशन, आणि अभिनय यामध्ये रस होता. त्यामुळे लंडनमध्ये स्थायिक झाल्यानंतर तिने मॉडेलिंग सुरू केलं आणि तेथून तिच्या करिअरची खरी सुरुवात झाली.