Kareena Kapoor ते Janhvi Kapoor... या बॉलिवूड अभिनेत्रींनी मायानगरीत घेतलं आपलं स्वप्नातलं घर

मुंबईमध्ये आपल्या स्वप्नातलं घर बनवनं सोपं काम नाही. अनेक वर्षांच्या मेहनतीनंतर लोक इथं छोटासा निवारा घेण्यास तयार होतात. बॉलिवूड अभिनेत्रींना देखील या मायानगरीत आपलं स्वप्नातलं घर घ्यायला मेहनत करावी लागली आहे. आपल्या मेहनतीच्या जोरावर मुंबईत घर खरेदी करणाऱ्या काही अभिनेत्रींबाबत आज जाणून घेऊयात.

करीना कपूर खान : करीना कपूर खानकडे मुंबई एक नाही तर दोन घरं आहेत. एका घरात ती आपल्या परिवारासोबत खूप वर्षांपासून राहते. हे घर बांद्र्यात आहे. आता करीनानं फॉर्च्यून हाईट्समधील आपल्या घराच्या जवळ आणखी एक घर खरेदी केलं आहे.

जाह्नवी कपूर: 23 वर्षाच्या जान्हवीनं मुंबईत आपला अलिशान फ्लॅट खरेदी केला आहे. आतापर्यंत ती तिचे वडिल बोनी कपूर आणि बहिण खुशीसोबत राहायची. मात्र आता पर्सनल स्पेससाठी ती नव्या घरात राहतेय. या घरात एक ऑफिस देखील आहे.

पूजा हेगडे: पूजा हेगडेनं देखील मुंबईतील पॉश परिसर बांद्रामध्ये थ्री BHK घर घेतलं आहे. हे घर तिच्या आईवडिलांच्या घराच्या जवळ आहे.

सोनाक्षी सिन्हा : सोनाक्षी सिन्हा अनेक वर्षांपासून आपल्या आईवडिल आणि दोन भावासोबत राहत आलीय. आता तिनं आपलं स्वत:चं ड्रिम हाऊस घेतलं आहे. बांद्र्यामध्ये तीनं 4 BHK फ्लॅट खरेदी केला आहे. मात्र अद्याप ती तिकडं राहायला गेलेली नाही.