कलियुगात भक्ताला करायचंय विठुरायाशी लग्न, अशक्य ही शक्य करणारे श्री स्वामी समर्थ पूर्ण करणार का इच्छा?

Jay Jay Swami Samarth Serial Track: कलर्स मराठीवरील (Colours Marathi) 'जय जय स्वामी समर्थ' मालिकेत लवकरच एक वेगळी आणि अत्यंत इंटरेस्टिंग कथा बघायला मिळणार आहे.

Jay Jay Swami Samarth Serial Track

Jay Jay Swami Samarth Serial Track: कलर्स मराठीवरील (Colours Marathi) 'जय जय स्वामी समर्थ' (Jay Jay Swami Samarth) मालिकेत लवकरच एक वेगळी आणि अत्यंत इंटरेस्टिंग कथा बघायला मिळणार आहे.

या कथेत मनात विठ्ठलाशी लग्न करायची इच्छा बाळगणारी स्वामीभक्त हरिप्रिया दिसणार आहे.

आताच्या कलियुगात अशी इच्छा बाळगणाऱ्या हरिप्रियाची कामना, स्वामी कशी पूर्ण करणार आणि त्यामागे स्वामींची काय लीला असणार? हे बघणे रंजक असणार आहे.

'अशक्य ही शक्य करतील स्वामी' या कथासूत्रावर आधारित हरिप्रियाची ही कहाणी एका अनोख्या श्रद्धेची साक्ष देते.

अक्कलकोटमधील हरिप्रिया सुंदर, निरागस आणि अत्यंत भक्तिमय स्वभावाची, स्वामी भक्तीसोबतच लहानपणापासूनच तिला विठोबाचे प्रचंड वेड.

कलियुगात देवाशी लग्न करणं खरंच शक्य आहे का, की त्यामागे काही वेगळंच तत्त्व दडलंय? हरिप्रियाची ही कहाणी केवळ एका इच्छेपुरती मर्यादित न राहता श्रद्धेची खरी ताकद उलगडते.

स्वामींच्या मार्गदर्शनातून उलगडणारा हा प्रवास प्रेक्षकांना विचार करायला लावतो देव म्हणजे नेमकं काय, आणि 'अशक्य' वाटणारं खरंच 'शक्य' होऊ शकतं का? हे पाहणं महत्त्वाचं ठरणार आहे.

तिच्या या भूमिकेला आव्हान देण्यासाठी अनेक प्रयत्न केले जातात, तिच्या श्रद्धेलाही प्रश्न विचारले जातात. पण याच काळात स्वामींच्या लीलांमुळे तिच्या आयुष्यात काही अनपेक्षित वळणं येऊ लागतात.

एका अनयूज्युअल व्यक्तीशी तिची भेट होते. एक असा प्रवास सुरू होतो, जिथे भक्ती, नातं आणि देवत्व यांचा अर्थ नव्याने समोर येऊ लागतो.