'बिग बॉस मराठी'त राडा घालणाऱ्या 'या' अभिनेत्रीचं खरं नाव तुम्हाला माहीत आहे का ?

बिग बॉस मराठीच्या घरात पहिल्या दिवसापासून जान्हवी किल्लेकर चर्चेत आहे. पण जान्हवी तिच्या खेळापेक्षा जास्त तिच्या चुकीच्या वक्तव्यांमुळे चर्चेत आहे.

दिग्गज अभिनेत्री वर्षा उसगावकर यांचा अपमान जान्हवीने केला होता. या कारणामुळे भाऊच्या धक्क्यावर अभिनेता रितेश देशमुखने तिला चांगलंच सुनावलं. मात्र तरीदेखील जान्हवीने पॅडी कांबळे यांना त्यांच्या अभिनयातील करिअरवरुन हिणवलं.

बिग बॉस'च्या घरात जान्वही चर्चेत असून तिला निक्की तांबोळीची सावली असल्याचंही म्हटलं जात आहे.

'बिग बॉस मराठी'चं घर डोक्यावर घेणाऱ्या जान्हवीने अनेक मालिकांमध्ये काम केलं आहे. परंतु 'भाग्य दिले तू मला' या मालिकेतून तिला लोकप्रियता मिळाली.

जान्हवीने 'जय जय स्वामी समर्थ', 'आई माझी काळूबाई', 'श्री गुरुदेव दत्त' यांसारख्या मालिकांमध्येही अभिनय केला आहे.

अभिनेत्री जान्हवी किल्लेकर या नावाने प्रसिद्धी मिळवलेल्या जान्हवीने खऱ्या नावाचा खुलासा मुलाखती दरम्यान केला आहे.

जान्हवीचं लग्नाअगोदरचं नाव भावना गायकवाड असं आहे. लग्नानंतर नावात बदल केल्याचं तिने स्पष्ट केलं आहे. किरण किल्लेकर यांच्यासोबत लग्न झाल्यानंतर अभिनेत्रीने तिचं नाव जान्हवी किल्लेकर असं केलं होतं.